Ինքնության շարունակականության հիմնահարցը միջսերնդային երկխոսության պայմաններում

Ամփոփում

Ժա­մա­նա­կա­կից աշ­խար­հում, սո­ցիոմ­շա­կու­թա­յին ան­վեր­ջա­նա­լի փո­խա­կեր­պում­նե­րին զու­գա­հեռ, փոխ­վում են նաև մարդ­կանց պատ­կե­րա­ցում­ներն ու հա­մոզ­մունք­նե­րը, վե­րա­կազ­մա­վոր­վում է մարդ­կանց ար­ժե­հա­մա­կար­գը, ի հայտ են գա­լիս նո­րա­նոր մար­տահ­րա­վեր­ներ ու վեր­ջին­նե­րիս դի­մա­կա­յե­լու նոր՝ նա­խորդ­նե­րից լիո­վին տար­բեր­վող, հա­ճախ նաև բա­ցա­սող ա­ռաջ­նա­հեր­թու­թ­յուն­ներ: Սո­ցիա­լա­կան հա­մա­կար­գե­րին մշա­կու­թա­յին տրավ­մա­ներ հասց­նող ակն­թար­թա­յին փո­փո­խութ­յուն­նե­րը, հա­մաշ­խար­հայ­նաց­ման գոր­ծըն­թաց­նե­րի հետ­ևան­քով մշա­կույթ­նե­րի ու առ­հա­սա­րակ մարդ­կա­յին կե­ցութ­յան ստան­դար­տաց­մա­նը տա­նող ան­խու­սա­փե­լի հե­ռան­կա­րը ա­ռանց ա­վե­լորդ ջան­քե­րի տար­րա­լու­ծում ու ա­նէաց­նում են կո­լեկ­տիվ ինք­նութ­յան ա­ռանձ­նա­հատ­կութ­յուն­նե­րը: Ի­րա­վի­ճակն ա­վե­լի է սրվում, երբ թա­տե­րա­բե­մում հայտն­վում է ազ­գա­յին ինք­նութ­յան՝ ա­պա­գա սե­րունդ­նե­րին ա­վան­դե­լու հիմ­նա­հար­ցը, հան­գա­մանք, ո­րը են­թադ­րում է անց­յա­լի փոր­ձի ո­րո­շա­կի ի­մաս­տա­վո­րում, ներ­կա­յի յու­րա­ցում ու կա­յուն ա­պա­գա­յի կա­ռու­ցար­կում: Այս­պի­սի հան­գա­մանք­նե­րում, երբ ինք­նութ­յան շա­րու­նա­կա­կա­նութ­յան խո­սույթն ա­ռե­րես­վում է նման բար­դութ­յուն­նե­րի, միջ­սերն­դա­յին պատ­շաճ երկ­խո­սութ­յու­նը դառ­նում է սո­ցիա­լա­կան հա­մա­կար­գե­րի կա­ռու­ցո­ղա­կա­նութ­յան և կա­յու­նութ­յան ե­րաշ­խիք­նե­րից։

Հոդ­վա­ծում միջ­սերն­դա­յին հա­րա­բե­րութ­յուն­նե­րի հա­մա­տեքս­տում վեր­լուծ­վում է ազ­գա­յին ինք­նութ­յան շա­րու­նա­կա­կա­նութ­յան հիմ­նախն­դի­րը՝ անդ­րա­դառ­նա­լով անց­յա­լի կեն­սա­փոր­ձի նե­րառ­վա­ծութ­յա­նը պոստ­ֆի­գու­րա­տիվ, կո­ֆի­գու­րա­տիվ և պ­րե­ֆի­գու­րա­տիվ մշա­կույթ­նե­րում: Հիմն­վե­լով վե­րոնշ­յալ մշա­կույթ­նե­րում միջ­սերն­դա­յին փոխ­հա­րա­բե­րութ­յուն­նե­րի հա­մար­ժեք մո­դել­նե­րի վրա՝ աշ­խա­տան­քում անդ­րա­դարձ է կա­տար­վում նաև ինք­նութ­յան ուղ­ղա­հա­յաց (ժա­մա­նա­կա­յին) և հո­րի­զո­նա­կան (տա­րա­ծա­կան) չա­փում­նե­րին։ Քն­նարկ­վում են միջ­սերն­դա­յին հա­մե­րաշ­խութ­յան, սե­րունդ­նե­րի միջև կա­ռու­ցո­ղա­կան երկ­խո­սութ­յան կար­ևո­րութ­յու­նը, ինչ­պես նաև թե­մա­յին առնչ­վող ո­րոշ գործ­նա­կան օ­րի­նակ­ներ։