«Աչք» հասկացույթի իմաստաբանական դաշտը

Ամփոփում

Իմաստաբանական դաշտը  լեզվական միավորների ամբողջությունն է, որում բառերը ըստ իրենց արտահայտած իմաստի կամ գործառույթի համախմբված են նույն իմաստն արտահայտող կամ նրանց միավորող հասկացույթի՝ միջուկի  շուրջ։ <<Աչք>> հասկացույթի իմաստային դաշտի մեջ միավորված են  լեզվական այն միջոցները, որոնք <<աչք>> բառույթի հետ իմաստային զանազան հարաբերություններ են արտահայտում: Մեր նպատակն է եղել  բացահայտել՝  1) << աչք>> հասկացույթի  իմաստային դաշտի կառուցվածքը,  2) << աչք>> բառույթի՝ բառարաններում արձանագրված իմաստները, 3) << աչք>> բառույթով կազմված դարձվածային միավորները, մեր մշակույթով  և ավանդույթներով պայմանավորված բնորոշ իմաստները, 4) <<աչք>> բառույթի փոխաբերական իմաստը,  5) <<աչք>> բառույթի (նաև որպես դարձվածքի բաղադրիչ) ոչ խոսքային հաղորդակցման միջոցի  (դիմախաղի) գործածությունը։