Իրավական պետության և ժողովրդավարության համակարգային հակամարտությունը
DOI:
https://doi.org/10.46991/BYSU:C/2024.15.1.060Keywords:
Համակարգ, հակամարտություն, իրավունքի էություն, ժողովրդավարություն, իրավական համակարգ, սիստեմատեխնիկա, սահմանադրականություն, միջազգային իրավունք, պետություն, ժողովուրդ, հասարակությունAbstract
Հոդվածում քննարկվում են իրավական պետության և ժողովրդավարության իրավական ամրագրման հայեցակարգային հիմքերն ու պրակտիկ դրսևորումները, որոնց միջև ծագում են բազմաշերտ համակարգային հակամարտություններ: Դրանց կանխարգելման և լուծման կառուցակարգի բացակայությունը առաջացնում է ոչ միայն խրոնիկ լարվածություն, այլև բախումների մեծ հավանականություն, տեղափոխելով այդ հակամարտությունները ավելի խորը և համապատասխանաբար ծայրահեղ մակարդակ, որն ամբողջովին ձևափոխում է ոչ միայն միջազգային հարաբերությունների, այլ ներպետական համակարգի իրավական բնույթն ու հյուսվածքները:
Այդ հակամարտությունները ներկայացվում են հիմնախնդիրը տարբեր հարացույցերով ներկայացնելու մեթոդաբանությամբ: Համակարգային հակամարտությունը ընտրված է որպես մեթոդաբանական հիմք՝ նկարագրելու այն շեղումները, որոնք դրսևորվում են ժողովրդավարական պետության գործառավորման ժամանակ: Նույն տրամաբանությամբ հոդվածում զուգահեռ ներկայացվում են նաև համակարգային հակամարտությունները միջազգային իրավունքի համակարգում:
Հոդվածում որպես համակարգային հակամարտությունների հաղթահարման կառուցակարգ դիտարկվում է սահմանադրականության սիստեմատեխնիկան որպես իրավական ձևաչափ և հիմնարար սկզբունք, որը ոչ միայն հստակորեն սահմանում է պետության և իրավական համակարգի որակի չափանիշները, այլև վեր հանում գործառավորման շեղումները: Միևնույն ժամանակ գիտական հոդվածում ներկայացվում են իրավական պետության և ժողովրդավարության համակարգային հակամարտությունների ծագումնաբանությունը և աստիճանակարգումը, որը հնարավորություն է ընձեռում բացահայտել դրանց էությունը պատճառահետևանքային մակարդակում:
References
https://www.amerikayidzayn.com/a/7293759.html համացանցային հղումը 30.11.2023 ի դրությամբ:
Кант. Критика чистого разума, Издательство НАУКА, М. 1999, 640 էջ: Kant. Critiqe of Pure Reason, NAUKA Publishing House, M. 1999)
Энтони де Ясаи, Государство, Москва: Челябинск: ИРИСЭН, Социум,2016, 411 էջ: (Anthony de Yasay, State, Moscow: Chelyabinsk: IRISEN, Socium, 2016):
Downloads
Published
How to Cite
Issue
Section
License
Copyright (c) 2024 Բանբեր Երևանի համալսարանի
This work is licensed under a Creative Commons Attribution-NonCommercial 4.0 International License.
