Ինքնասպանությունների և ինքնասպանության վարքագծի դրսևորման հիմնախնդիրը ժամանակակից Ադրբեջանում

Abstract

Ըստ Առողջապահության համաշխարհային կազմակերպության տվյալների՝ ամեն տարի ավելի քան 800 000 մարդ ինքնասպանություն է գործում, իսկ ինքնասպանության փորձ կատարողների թիվը շատ ավելի մեծ է: Այս հոդվածում դիտարկվում են ինքնասպանության վարքագծի հոգեբանական հիմքերը և վերջին ժամանակներս դրա ակտիվ դրսևորման պատճառներն Ադրբեջանում: Բնակչության շրջանում կտրուկ աճել են նյարդային հիվանդությունների, խանգարումների, դեպրեսիաների դեպքերը: Ավելացել է նաև տարիքային և սոցիալական տարբեր խմբերի պատկանող քաղաքացիների ինքնասպանությունների և ինքնասպանության փորձերի թիվը: Նկատվում է ինքնահրկիզման՝ որպես օրըստօրե ավելացող ինքնասպանությունների համար նախընտրելի մեթոդի դիմելու միտում: Սոցիալական պայմանները և հոգեբանական խնդիրները ինքնասպանության դիմելու հիմնական պատճառներից են, որոնք պայմանավորված են արյունալի սպանություններով և աուտոագրեսիվ վարքագծի աճով: Այս ամենը դրսևորվում է հասարակության ներսում ագրեսիվ վարքով: