ՔՐԵԱԻՐԱՎԱԿԱՆ ՆՈՐՄԵՐԻ ՄՐՑԱԿՑՈՒԹՅԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ՀԱՆՑԱԳՈՐԾՈՒԹՅՈՒՆՆԵՐԻ ԲԱԶՄԱԿԻՈՒԹՅԱՆ ԵՎ ՀԱՐԱԿԻՑ ՀԱՆՑԱԿԱԶՄԵՐԻ ԴԵՊՔՈՒՄ
DOI:
https://doi.org/10.46991/S&L/2023.95.140Keywords:
քրեաիրավական նորմերի մրցակցություն, հանցագործությունների բազմակիություն, հարակից հանցակազմեր, քրեաիրավական նորմ, հանցագործությունների որակում, հանցագործությունների իդեալական համակցություն, հանցագործությունների իրական համակցությունAbstract
Հանցագործությունների որակման գործընթացում իր կարևորությամբ առանձնանում է քրեաիրավական նորմերի մրցակցության հաղթահարումը։ Քրեական իրավունքի սկզբունքները պարտավորեցնում են քրեաիրավական ստույգ գնահատական տալու հանցավոր արարքին և կատարվածին համապատասխան քրեական պատասխանատվության ենթարկելու այն կատարած անձին։ Խնդրի լուծումը, սակայն, դժվարանում է որոշ օբյեկտիվ և սուբյեկտիվ հանգամանքների պատճառով։
Քրեաիրավական նորմերի մրցակցությունը տարողունակ երևույթ է, որն առկա է քրեաիրավական հարաբերության զարգացման ողջ գործընթացում՝ հանցանքի կատարման փաստից մինչև դատվածության վերացվելը կամ մարվելը։ Սույն հոդվածի շրջանակներում անդրադարձ է կատարվում քեաիրավական նորմերի մրցակցության առանձնահատկություններին հանցագործությունների բազմակիության և հարակից հանցակազմերի դեպքում, ինչպես նաև նշված իստիտուտների սահմանազատմանը։
Հետազոտության օբյեկտը և առարկան դիտարկվել են գիտական ճանաչողության այնպիսի ընդհանուր (համագիտական) և հատուկ մեթոդների կիրառմամբ, ինչպիսիք են դոգմատիկ, իրավահամեմատական, տրամաբանական վերլուծության և իրավական մոդելավորման մեթոդները։
Իրականացված հետազոտության հիման վրա հոդվածում ներկայացված են հանցագործությունների բազմակիության, մասնավորապես՝ հանցագործությունների իդեալական և իրական համակցության, ինչպես նաև հարակից հանցակազմերի դեպքում հանցագործությունների որակման տեսանկյունից գիտագործնական նշանակություն ունեցող առաջարկներ։
Downloads
Published
Issue
Section
License
Copyright (c) 2023 Պետություն և իրավունք
This work is licensed under a Creative Commons Attribution-NonCommercial 4.0 International License.
