ՍԱՀՄԱՆԱԴՐԱԿԱՆ ՊԱՏԱՍԽԱՆԱՏՎՈՒԹՅԱՆ ԳԱՂԱՓԱՐԻ ԾԱԳՈՒՄԸ ԵՎ ԶԱՐԳԱՑՈՒՄԸ
DOI:
https://doi.org/10.46991/S&L/2023.96.079Keywords:
պատժի հիմնահարցեր, պետաիրավական կյանք, սահմանադրական հաստատություններ, սահմանադրական պատասխանատվություն, ազատություն և իրավահավասարություն, մարդու իրավունքների ճանաչում, հիմնարար սկզբունքներ, ժողովրդավարական ինստիտուտներ, պոզիտիվ սահմանադրական պարտավորեցումAbstract
Հոդվածը նվիրված է իրավաբանական պատասխանատվության առաջացման պատմական հիմքերին: Հոդվածում ներկայացվել է սահմանադրաիրավական պատասխանատվության առաջացումը հայ իրականության, ինչպես նաև արտասահմանյան երկրների իրավական կյանքի պատմագրության էջերում: Զուգահեռներ են անցկացվել նոր ստեղծվող, հաջորդող ժամանակա- շրջանների և ներկայիս իրավաբանական պատասխանատվության հիմքերին: Անդրադարձ է կատարվել անկախության ձեռքբերումից ի վեր «սահմանադրական շինարարություն» գործընթացի առանձնահատկություններին, դրանց բարելավման հիմնական ուղություններին, հնարավոր բացասական հետևանքներից խուսափելու եղանակներին և գործիքակազմերին: Աշխատանքում քննարկվել են սահմանադրական իրավահարաբերություններին, սահմանադրաիրավական սակնցիաներին առնչվող կարևոր ասպեկտներ: Վերլուծվել է պետական և տեղական ինքնակառավարման մարմինների ու պաշտոնատար անձանց պոզիտիվ սահմանադրական պատասխանատվության հարցերը: Հեղինակի կողմից առաջարկություն է արվել Հայաստանի Հանրապետությունում սահմանադրական պատասխանատվության ինստիտուտը ամրագրել Սահմանադրությամբ: Հոդվածում տեղ է գտել այն կարևոր գաղափարը, ըստ որի սահմանադրական պատասխանատվության միջոցները հասցեագրվում են սահմանադրական իրավահարաբերությունների սուբյեկտներին, ովքեր կրում են սահմանադրական իրավանորմերին հետևելու և իրենց՝ իրավաբանական նշանակություն ունեցող վարքագծի համար պատասխան տալու պարտականություն: Մեր օրերում Հայաստանի Հանրապետությունում իշխանության մարմինների, պաշտոնատար անձանց և սահմանադրական իրավահարաբերությունների մյուս սուբյեկտների պատասխանատվության խնդիրն ավելի է կարևորվում ՝ պայմանավորված եվրոպական պետությունների ընտանիքին Հայաստանի Հանրապետության անդամակցությամբ և պետության ստանձնած պարտավորությունների կատարման անհրաժեշտությամբ: Կողմնորոշումը դեպի Եվրոպան, ոչ միայն թույլ կտա Հայաստանի Հանրապետությունում անցկացնել ձևափոխման արդյունավետ քաղաքականություն, այլ նաև կնպաստի Հայաստանի և Եվրամիության՝ երկարաժամկետ հեռանկարում մեր կարևորագույն ռազմավարական գործընկերոջ ձևավորմանը:
Downloads
Published
Issue
Section
License
Copyright (c) 2023 Պետություն և իրավունք
This work is licensed under a Creative Commons Attribution-NonCommercial 4.0 International License.
