ԱՐՏԱՍԱՀՄԱՆՅԱՆ ԵՐԿՐՆԵՐՈՒՄ ՔՐԵԱԿԱՆ ԴԱՏԱՎԱՐՈՒԹՅԱՆ ՄԱՍՆԱԿԻՑՆԵՐԻ ՊԵՏԱԿԱՆ ՊԱՇՏՊԱՆՈՒԹՅԱՆ ՕՐԵՆՍԴՐԱԿԱՆ ՓՈՐՁԻ ՎԵՐԼՈՒԾՈՒԹՅՈՒՆ

Abstract

Սույն հոդվածում քննարկվում են քրեական դատավարության մասնակիցների անվտանգության ապահովման և պետական պաշտպանության ոլորտի կարգավորմանն առնչվող հարցեր։ Հոդվածում վերլուծված է օտար երկրների, այդ թվում՝ Ամերիկայի Միացյալ Նահանգների, Կանադայի, Ֆրանսիայի Հանրապետության, Մեծ Բրիտանիայի, Իսպանիայի Թագավորության, Իտալիայի Հանրապետության և Գերմանիայի Դաշնային Հանրապետության քրեական դատավարության մասնակիցների անվտանգության ապահովման համակարգի կանոնակարգման փորձը։ Նշված երկրների համապատասխան նորմատիվ իրավական ակտերի և դրանցում սահմանված դրույթների գործնական կիրառության օրինակների վերլուծության հիման վրա առանձնացվել են քրեական դատավարության մասնակիցների անվտանգության պաշտպանության արդյունավետ համակարգի ձևավորման չափանիշներն ու մեխանիզմները։ Իրականացված հետազոտության արդյունքում ընդգծվել է նաև, որ քրեական դատավարության մասնակիցների պաշտպանության ոլորտում անհրաժեշտ են ոչ միայն ֆիզիկական անվտանգության ապահովմանն ուղղված միջոցներ, այլև սոցիալական, հոգեբանական և ֆինանսական աջակցության միասնական համակարգ: Հոդվածում քննարկվում է նաև քրեական դատավարության մասնակիցների պաշտպանության ոլորտում մասնավոր ընկերությունների և հասարակական կազմակերպությունների ներգրավվման կարևորությունը: Բացի դրանից, հոդվածում ձևակերպված են նշված իրավական ինստիտուտի կարգավորման ոլորտում ազգային օրենսդրության և իրավակիրառ պրակտիկայի կատարելագործման առաջարկներ: Մասնավորապես քննարկվել է ներպետական իրավական համակարգի, դրա առանձնահատկությունների, հասարակության մտածելակերպի և համաշխարհային չափանիշների հաշվառմամբ՝ քրեական դատավարության մասնակիցների պետական պաշտպանության ազգային ռազմավարության մշակման անհրաժեշտությունը: