ԿՈՌՈՒՊՑԻԱՅԻ ԲՆՈՐՈՇՄԱՆ ՏԵՍԱԳՈՐԾՆԱԿԱՆ ՀԻՄՆԱԽՆԴԻՐՆԵՐԸ
DOI:
https://doi.org/10.46991/S&L/2023.95.026Keywords:
կոռուպցիա, կաշառակերություն, կոռուպցիայի դեմ պայքար, իշխանության չարաշահում, պաշտոնական դիրքի չարաշահում, շահի կամ օգուտի ստացում, հակակոռուպցիոն ռազմավարությունAbstract
Հոդվածը նվիրված է կոռուպցիայի բնորոշման տեսագործնական հիմնախնդիրների բացահայտմանը, որի դիտարկումը գիտական հարթության շրջանակներում կարող է էական նշանակություն ունենալ կոռուպցիայի դեմ պայքարի գործընթացն առավել առարկայական և արդյունավետ դարձնելու հարցում: Կոռուպցիայի՝ որպես հասարակության իրավական ինստիտուտների կայունությունն ու իմունիտետը թուլացնող խնդիրների ամբողջության բովանդակության բացահայտումը այդ խնդիրների հաղթահարման կարևոր երաշխիք է:
Կոռուպցիայի դեմ պայքարի մշակման ռազմավարական տարբեր փաստաթղթերի ուսումնասիրումը վկայում է կոռուպցիայի միասնական և ընդհանուր բնորոշման բացակայության մասին, ինչը մի շարք դեպքերում բարդացնում է գործադրված պայքարի գրանցած արդյունքների գնահատման գործընթացը, ուստի կոռուպցիայի բնորոշման տեսագործնական հիմնախնդիրներին կատարված անդրադարձը բխում է հենց վերոնշյալ խնդիրների առկայությունից: Տեսական գրականության և իրավական ակտերի կարգավորումների համալիր ուսումնասիրման արդյունքում հոդվածում վեր են հանվել այն բաղադրիչները, որոնք առանցքային դերակատարում ունեն կոռուպցիայի բնորոշման հարցում: Այդ բաղադրիչների շարքում են շահի կամ օգուտի հետապնդումը, արդարության խաթարումը, համաձայնությունը շահ կամ օգուտ ստանալու/տալու ուղղությամբ, դիրքի չարաշահումը, համակարգային բնույթը: Վերոնշյալ բաղադրիչների հաշվառման և դրանց բովանդակության բացահայտման լույսի ներքո էլ ներկայացվել է կոռուպցիայի սահմանումը:
Downloads
Published
Issue
Section
License
Copyright (c) 2023 Պետություն և իրավունք
This work is licensed under a Creative Commons Attribution-NonCommercial 4.0 International License.
