ՀԱՆՑԱԳՈՐԾՈՒԹՅԱՆ ՊՐՈՎՈԿԱՑԻԱՅԻ ԵՎ ՀԱՆՑԱԿՑՈՒԹՅԱՆ ՀԱՐԱԲԵՐԱԿՑՈՒԹՅԱՆ ՀԻՄՆԱՀԱՐՑԵՐԸ
DOI:
https://doi.org/10.46991/S&L/2023.96.236Keywords:
Հանցագործության պրովոկացիա, պրովակատոր, հանցակցություն, նախադեպային իրավունք, դոկտրին, օրենսդրություն, ինստիտուտ, դիտավորություն, դրդչությունAbstract
Արտասահմանյան տարբեր երկրների նորմատիվ կարգավորումներում, դոկտրինալ մեկնաբանություններում, կայուն նախադեպային իրավունքում ձևավորված իրավական դիրքորոշումներում հաճախ են հանդիպում հանցագործության պրովոկացիայի և հանցակցության միջև անցկացվող զուգահեռներ, ինչը քրեական իրավունքում հանցագործության պրովոկացիայի իրավական էության վերաբերյալ միասնական մոտեցման բացակայության պայմաններում արդիական է դարձնում նշված ինստիտուտների հարաբերակցության և դրա շուրջ առաջ եկող հիմնահարցերի ուսումնասիրություն իրականացնելու անհրաժեշտությունը։
Աշխատանքի ընթացքում, հետազոտման առարկա դարձնելով հանցակցության և հանցագործության պրովոկացիայի ինստիտուտների առանձնահատկությունները, ինչպես նաև տարբեր հեղինակների դոկտրինալ մեկնաբանություններ, արտասահմանյան երկների տարբեր կարգավորումներ հնարավոր է եղել գալ եզրահանգման առ այն, որ քննարկման առարկա երկու ինստիտուտների միջև առկա են մի շարք ընդհանրական գծեր, ինչը կարող է վկայել նաև այն մասին, որ հանցագործության պրովոկացիայի վերաբերյալ քրեաօրենսդրական հստակ կարգավորումների բացակայության պարագայում, առերևույթ կարող է առաջանալ հանցագործության պրովոկացիայի՝ հանցակցության առաձին դրսևորում դիտարկելու հնարավորությունը։
Միևնույն ժամանակ, աշխատանքի արդյունքում հնարավոր է եղել արձանագրել, որ հանցագործության պրովոկացիայի նպատակի և կատարման եղանակների բաղադրիչ հանդիսացող առանձին տարրերի միջև առկա են սկզբունքային տարբերություններ, ինչը խոսում է այն մասին, որ դրանք չեն կարող նույնանալ և պետք է դիտարկվեն իրարից զատված։
Downloads
Published
Issue
Section
License
Copyright (c) 2023 Պետություն և իրավունք
This work is licensed under a Creative Commons Attribution-NonCommercial 4.0 International License.
