ԱՊԱՑՈՒՅՑՆԵՐԻ ԹՈՒՅԼԱՏՐԵԼԻՈՒԹՅԱՆ ՀԱՐՑԻ ՔՆՆԱՐԿՈՒՄԸ ԵՎ ԼՈՒԾՈՒՄԸ ՆԱԽՆԱԿԱՆ ԴԱՏԱԼՍՈՒՄՆԵՐՈՒՄ՝ ՐՊԵՍ ՄՐՑԱԿՑՈՒԹՅԱՆ ՍԿԶԲՈՒՆՔԻ ԵՐԱՇԽԻՔ

Abstract

Սույն գի­տա­կան հոդ­վա­ծի ու­սում­նա­սի­րութ­յան ա­ռար­կան է կազ­մում նախ­նա­կան դա­տալ­սում­նե­րի փու­լը՝ նո­րույթ ՀՀ ք­րեա­կան դա­տա­վա­րութ­յան հա­մա­կար­գում։ Հաշ­վի առ­նե­լով կար­գա­վոր­ման նո­րույթ հան­դի­սա­նա­լը՝ հե­ղի­նա­կը քննարկ­ման ա­ռար­կա է դարձ­րել ա­պա­ցույց­նե­րի թույ­լատ­րե­լիութ­յան հար­ցի քննար­կու­մը և լու­ծու­մը նախ­նա­կան դա­տալ­սում­նե­րի փու­լում՝ որ­պես մրցակ­ցութ­յան և կող­մե­րի հա­վա­սա­րութ­յան սկզբուն­քի ե­րաշ­խիք։ Թե­մա­յի ար­դիա­կա­նութ­յու­նը հիմ­նա­վոր­վում է նախ­նա­կան դա­տալ­սում­նե­րի հա­մա­պար­տա­դիր բնույ­թով դա­տա­կան քննութ­յան փուլ անց­նող քրեա­կան վա­րույթ­նե­րի հա­մար, ինչ­պես նաև խնդրո ա­ռար­կա նո­րույ­թի շուրջ հայ­րե­նա­կան ծա­վա­լուն գրա­կա­նութ­յան բա­ցա­կա­յութ­յամբ։

Հոդ­վա­ծի նպա­տակն է հաս­ցեա­կան անդ­րա­դարձ կա­տա­րել նախ­նա­կան դա­տալ­սում­նե­րի փու­լում առ­կա ո­րոշ խնդրա­յին հար­ցե­րի՝ մրցակ­ցութ­յան սկզբուն­քի գործ­նա­կան ի­րաց­ման շրջա­նա­կում։

Գի­տա­կան հոդ­վա­ծի կենտ­րո­նա­կան եզ­րա­կա­ցութ­յունն այն է, որ ա­պա­ցույց­նե­րի թույ­լատ­րե­լիութ­յան կա­պակ­ցութ­յամբ ներ­կա­յաց­ված միջ­նոր­դութ­յուն­նե­րը ոչ միայն պետք է քննարկ­ման ա­ռար­կա դառ­նան նախ­նա­կան դա­տալ­սում­նե­րի փու­լում, այլև ստա­նան լու­ծում։ Ընդ ո­րում՝ ան­կախ միջ­նոր­դութ­յու­նը բա­վա­րա­րե­լու կամ մեր­ժե­լու հան­գա­ման­քից, դա­տա­րա­նը պետք է կա­յաց­նի նման ո­րո­շում։ Նշված եզ­րա­հան­գու­մը հե­ղի­նա­կը հիմ­նա­վո­րում է ու­սում­նա­սի­րութ­յան ա­ռար­կա­յի շուրջ ձևա­վոր­ված ար­տա­սահ­ման­յան գրա­կա­նութ­յամբ, ինչ­պես նաև այն հան­գա­ման­քով, որ նախ­նա­կան դա­տալ­սում­նե­րի ըն­թաց­քում ա­պա­ցույ­ցի թույ­լատ­րե­լիութ­յան հար­ցի շուրջ ներ­կա­յաց­ված միջ­նոր­դութ­յան հե­տաձ­գու­մը, ըստ էութ­յան, հա­վա­սար­վում է միջ­նոր­դութ­յան մերժ­ման։ Հետևա­բար՝ ի­րա­վա­կան ո­րո­շա­կիութ­յան սկզբուն­քի կեն­սա­գոր­ծու­մը են­թադ­րում է հա­մա­պա­տաս­խան հար­ցը բո­վան­դա­կա­յին լու­ծող ո­րոշ­ման կա­յա­ցում։