Submissions

Login or Register to make a submission.

Submission Preparation Checklist

As part of the submission process, authors are required to check off their submission's compliance with all of the following items, and submissions may be returned to authors that do not adhere to these guidelines.
  • Հղումների համար բերված են ամբողջական համացանցային հասցեները (DOIs կամ URL), որտեղ դա հնարավոր է եղել:
  • Ներկայացված նյութը նախկինում չի հրապարակվել, ոչ էլ ներկայացվել է քննարկման և հրապարակման այլ գիտական պարբերականում (կամ դրա բացատրությունը տրված է Խմբագրի նշումներում):
  • Ներկայացված նյութի ֆայլը ձևավորված է OpenOffice, Microsoft Word կամ RTF ձաստաթղթի ֆայլի ձևաչափով:
  • Տեքստը մուտքագրված է 1 տողային միջակայքով, տառաչափը 12 միավոր, շեշտադրման համար օգտագործված են շեղատառերը և ոչ թե ընդգծումներ (բացառությամբ URL-ների) բոլոր նկարազարդումները, գրաֆիկները և աղյուսակները գտնվում են....
  • Տեքստը բավարարում է «Հեղինակի ուղեցույցում» նշված ոճական և մատենագրական պահանջներին:

Author Guidelines

  1. ԳԻՏԱԿԱՆ ՀՈԴՎԱԾ

Գիտական հոդվածը գիտական արդիական ուսումնասիրություն է, որը, հիմք ընդունելով հիմնական     աղբյուրները, ներկայացնում      է     հետազոտության արդյունքները՝ թե՛ տեսական, թե՛ փորձարարական՝ հավաքական գիտական գիտելիքների բացերը լրացնելու համար: ԵՊՀ գիտական հանդեսներն ընդունում են   բացառապես   կարևոր,  կիրառական    նշանակություն    ունեցող  արդիական հոդվածներ:

Գիտական հոդվածի կառուցվածքը.

Անկախ այն լեզվից, որով գրվել է հոդվածը՝ սկզբում նշվում է. 

Անգլերեն լեզվով վերնագիրը: Վերնագիրը պետք է արտահայտի հոդվածում քննարկվող խնդիրների էությունը՝ օգտագործելով հնարավորինս փոքր թվով բառեր:

Հեղինակ(ներ)ի անուն անգլերեն լեզվով՝ փակագծերում նշելով համապատասխան հաստատությունը:

Եթե հոդվածը գրվել է համահեղինակությամբ, ապա հեղինակների անունների թվարկումը հոդվածում պետք է տրվի նրանց ներդրմանը համապատասխան: Անուններից հետո նոր տողում նշվում են ակադեմիական e-mail հասցեները:

Աշխատանքի ֆինանսավորման աղբյուրը (եթե առկա է) նշվում է հոդվածի սկզբում՝ վերնագրից հետո, հավասարեցումն ըստ կենտրոնի, տառաչափը՝ 10 (օրինակ՝ «Հետազոտությունն անցկացվել է…..(պրոյեկտ/նախագիծ №……)-ի ֆինանսական աջակցությամբ»:

Ամփոփում անգլերեն լեզվով: (250-300 բառ): Ամփոփումը հոդվածի հիմնական դրույթների համառոտ նկարագրությունն է: Այն պետք է ներառի հոդվածի առարկան, խնդիրերը, նպատակը, հետազոտության մեթոդներն ու արդյունքները: Ամփոփումը պետք է պատասխանի հետևյալ հարցերին.

  1. Ինչի՞ մասին է հոդվածը:
  2. Ո՞րն է հետազոտության նպատակը:
  3. Ի՞նչ եզրահանգումների է հանգել հեղինակը:
  4. Ո՞րն է հոդվածի արդիականությունը և գիտական նորույթը:

Հանգուցային բառեր անգլերեն լեզվով(5-10): Պետք է օգտագործել բառեր, բառակապակցություններ(ոչ ավելի, քան 2 բառից բաղկացած), տերմիններ, հասկացություններ, որոնք կօգնեն ընթերցողին ավելի արագ գտնել հոդվածը որոնման համակարգերի միջոցով:

Բուն հոդվածը (նախընտրելի, բայց ոչ պարտադիր լեզու՝ անգլերեն) ունի հետևյալ կառուցվածքը.

Ներածություն (հետազոտության հիմնավորումը, կարևորումը): Ներածությունը պետք է պարունակի նախնական տեղեկություններ կամ հիմնահարցի նախապատմությունը, որոնք անհրաժեշտ են ընթերցողին հոդվածը հասկանալու համար: Այն պետք է ներառի հետազոտության նպատակը, խնդիրները, հետազոտական հարցը, դրա նշանակության հիմնավորումը, այդ հարցի վերաբերյալ գրականության մշակվածության ու վերլուծության աստիճանը, հեղինակի նախնական վարկածը և մեթոդները, որոնք կիրառվում են ուսումնասիրության մեջ՝ հիմնավորելու կամ մերժելու առկա տեսակետները, ինչպես նաև աշխատանքային պլանը, հետազոտության տեսական և գործնական նշանակությունը:

Ներածության մեջ.

  • հղումները պետք է տրվեն համամասնորեն, այսինքն՝ առկա լինեն և՛ հեղինակի տեսակետը հաստատող, և՛ դրանցից տարբերվող կարծիքներ:
  • պետք է անդրադառնալ վերջին տասը տարվա ընթացքում հրապարակված ուսումնասիրություններին՝ պարտադիր նշելով այն աշխատանքը, որտեղ առաջին անգամ բարձրացվել է հետազոտության հարցը (նույնիսկ, եթե այն ձևավերպված է ավելի քան տասը տարի առաջ)

Տեսական հիմքեր, մեթոդներ և նյութեր: Հոդվածում պետք է հստակ նկարագրվի, թե ինչ աշխատանք է կատարվել, ինչ մեթոդներ են կիրառվել ուսումնասիրության արդյունքները ստանալու համար: Ենթավերնագրերը պետք է արտացոլեն հետազոտական գործընթացի տարբեր փուլերը:

Հետազոտության արդյունքներ (գիտական նորույթը): Հետազոտության արդյունքները տրվում են առանց մեկնաբանության: Ենթավերնագրերը պետք է օգտագործվեն յուրաքանչյուր նորույթ առանձին արտացոլելու համար:

Արդյունքները պետք է ներկայացվեն տրամաբանական հերթականությամբ, այսինքն՝ ըստ նշանակության, որը կարող է չհամընկնել տեքստում դրանց ներկայացման կարգին: Արդյունքները նկարագրելիս պետք է գործածել անցյալ ժամանակի բայաձևեր, իսկ թվերը և աղյուսակները նկարագրելիս՝ ներկա:

Գրաֆիկներ և աղյուսակներ: Գրաֆիկները(ներքևում նշել՝ <<նկար>> և վերնագրել) և աղյուսակները(վերևում նշել՝ <<աղյուսակ>> և վերնագրել) պետք է ներկայացվեն պատշաճ կերպով և համարակալմամբ: 

Եզրակացություններ: Եզրակացությունները պետք է շարադրվեն ըստ կարևորության: Անհրաժեշտ է համեմատել հեղինակի ստացած արդյունքներն այլ ուսումնասրությունների արդյունքների հետ: Ստացված եզրահանգումները այլ հեղինակների տեսակետներին հակասելու դեպքում պետք է նշվեն պատճառները:

Հեղինակը պետք է նշի, թե ինչ գործնական կիրառություն կարող են ունենալ հետազոտության արդյունքները: Եթե արդյունքները վերջնական չեն, նպատակահարմար է առաջարկել, թե հետագայում ինչ լրացուցիչ հետազոտություններ են անհրաժեշտ կատարել:

Գրականության ցանկ(նշել <<Գրականություն>>, հավասարեցումը՝ մեջտեղից): Գրականության ցանկում պետք է տրվեն միայն գիտական սկզբնաղբյուրներ:    Վիճակագրական  տվյալների,     փաստաթղթերի, հաշվետվությունների, համացանցային ոչ գիտական աղբյուրների հղումները պետք է լինեն ծանոթագրությունների  տեսքով:     Ցանկը  պետք  է   լինի այբբենական (սկզբում նշելով հոդվածի լեզվով տպագրված գրականության աղբյուրները, այնուհետև՝ այլալեզու)  և համարակալված:   Գրականության ցանկում պետք է նշված լինեն հեղինակ(ներ)ի ազգանունը, անվան առաջին տառը, աշխատության անվանումը, հրատարակման վայրը, թվականը, ընդհանուր էջերի քանակը կամ օգտագործված տեղեկատվության էջերը, առկայության դեպքում՝ doi: Էլեկտրոնային աղբյուրների դեպքում նշվում են հեղինակների ազգանուններն ու անվանատառերը, աշխատանքի վերնագիրը, կայքի հասցեն ամբողջությամբ (link-ը), հրապարակման (եթե հայտնի է) և վերջին այցելության ամսաթիվը, ամիսը, տարին, եթե առկա է՝ doi-ն:

Գրականությունից հետո տեղադրվում են հոդվածի ամփոփումները հոդվածի բնօրինակի լեզվով, հայերեն հոդվածների դեպքում՝ նաև ռուսերեն լեզվով(ներառելով հոդվածի վերնագիրը, հեղինակների ազգանունը, ինիցիալները, անոտացիան(250-300 բառ), հանգուցային բառերը (5-9 բառ): 

Տեղեկություններ հեղինակ(ներ)ի մասին: ԱԱՀ, հաստատություն, պաշտոն, գիտական աստիճան/կոչում, հասցե, հեռախոսահամար:

  • Տեխնիկական պահանջներ

Խմբագրությունն ընդունում է մինչև 12 հազար նիշ (մոտ 8 էջ) ունեցող հոդվածներ՝ բացատներով (ներառյալ հայերեն, ռուսերեն և անգլերեն ամփոփումները, հղումները, հանգուցային բառերը, գրականության ցանկը): Հոդվածներն անհրաժեշտ է ուղարկել OJS համակարգի միջոցով (journals.ysu.am):

Նյութերը ներկայացվում են «MS Word for Windows»-ի էլեկտրոնային ձևաչափով՝ Unicode կոդավորմամբ, տառաչափը` 12, տողերի միջև հեռավորությունը`1:

  1. ԳՐԱԽՈՍՄԱՆ ԿԱՐԳԸ

Խմբագրություն ուղարկված և նախնական ստուգում անցած բոլոր հոդվածները ենթակա են պարտադիր գրախոսման: Խմբագրությունը կազմակերպում է կույր գրախոսություն. գրախոսներն ու հեղինակները անանուն են: Բոլոր գրախոսները գիտնականներ են և գրախոսվող նյութի թեմային առնչվող հրապարակումների, հետազոտությունների հեղինակ: Գրախոսությունների արդյունքի հիման վրա խմբագրակազմը որոշում է կայացնում նյութը հրատարակելու վերաբերյալ: Գրախոսը պարտավոր է հետևել գիտական օբյեկտիվության և վարվելակարգի սկզբունքներին.

  • տրամադրել գիտական անաչառ գրախոսություն,
  • տալ հետազոտության արդյունքների օբյեկտիվ և հիմնավորված գնահատական, ինչպես նաև անել անհրաժեշտ առաջարկություններ,
  • չհրապարակել աշխատանքը, քանի որ այն հեղինակի մտավոր սեփականությունն է: Գաղտնիությունը կարող է խախտվել միայն այն դեպքում, երբ գրախոսը հայտարարում է աշխատանքի ոչ գիտական կամ կեղծված լինելու մասին,
  • տեղեկացնել գլխավոր խմբագրին քննարկվող աշխատանքի՝ այլ աշխատանքի հետ ցանկացած էական կամ մասնակի նմանության մասին,
  • նշել հրատարակված համապատասխան աշխատությունները, որոնք պատշաճ կերպով մեջբերված կամ վկայակոչված չեն աշխատանքում:

Գրախոսման արդյունքների հիման վրա խմբագրությունը կայացնում է երեք հնարավոր որոշումներից մեկը.

  • «մերժել»,
  • «ուղարկել վերանայման՝        հաշվի        առնելով        գրախոսների մեկնաբանությունները»,
  • «հրատարակել»:

Խմբագրությունը տեղեկացնում է հեղինակին որոշման մասին՝ անհրաժեշտության դեպքում տրամադրելով պատճառաբանված մերժումը: Հեղինակն իրավունք չունի պահանջելու գրախոսի տվյալները և վիճարկելու արդյունքը՝ առանց հիմնավոր փաստարկների:

  • Վերանայման ժամկետը 1-2 ամիս է` կախված ներկայացված նյութի որակից:
  • Խմբագրական բոլոր փոփոխություններն էլ. փոստով կամ հանդեսի հարթակով համաձայնեցվում են հեղինակների հետ:
  • Գրախոսությունները պահվում են խմբագրությունում 5 տարի:

Privacy Statement

Կայքում մուտքագրված անուններն ու էլ. հասցեները կօգտագործվեն բացառապես  նշված նպատակների համար և հասանելի չեն լինի որևէ այլ հարթակում: