ԷԹՆԻԿԱԿԱՆՆ ՈՒ ՔԱՂԱՔԱՑԻԱԿԱՆԸ ԱԶԳԱՅԻՆ ԻՆՔՆՈՒԹՅԱՆ ԱՐԴԻԱԿԱՆԱՑՄԱՆ ՀԱՄԱՏԵՔՍՏՈՒՄ
DOI:
https://doi.org/10.46991/SBMP/2019.2.2(5).253Keywords:
ազգային ինքնություն, էթնոմշակույթ, ինքնորոշում, սոցիոմշակութային փոխակերպումներ, արժեք, նույնականությունAbstract
Այսօր բազմաթիվ մարտահրավերների, տնտեսական, սոցիալական ու բազմաթիվ այլ դժվարությունների մեջ ազգային ինքնության, ազգային տիպի, տեսակի պահպանումը կարևորագույն խնդիր է: Սոցիալ-տնտեսական, քաղաքական ու սոցիոմշակութային փոխակերպումները, կարծես, փորձության են ենթարկում ազգային ինքնության, նույնականության ու համակեցության համակարգերը: Քաղաքական արդիականացման տարաբնույթ մոդելների օգնությամբ փորձ է արվում համահարթեցնել էթնոմշակութային այնպիսի երևույթներ, որոնք վեր են հանում անորոշություններ, քաոսայնություն պարունակող «ավանդական» արժեքներ: Քանի որ ինքնությունը որպես արժեք ձևավորվում է ժամանակի ընթացքում և որոշակի հասարակությունների պատմական կենսափորձի համածիրում, ապա այն չի կարող հաստատվել որպես համընդհանուր հրամայական: Համաշխարհայնացման երևույթը խորապես կերպարանափոխելով ազգային պետությունների դիրքը, միաժամանակ կերպարափոխման խնդիր է դնում ազգային ինքնության առջև: Ինքնության հարցը ձեռք է բերում բազմադեմ ու դժվար սահմանելի ընթացք:
