Պետական կառավարման համակարգի թվայնացման հիմնահարցերը ՀՀ-ում

Abstract

Ժա­մա­նա­կա­կից աշ­խար­հում թվա­յին փո­խա­կեր­պում­նե­րը դար­ձել են մարդ­կա­յին կեն­սա­գոր­ծու­նեութ­յան ան­քակ­տե­լի բա­ղադ­րի­չը։ Դ­րանք վե­րա­բե­րում են այն փո­փո­խութ­յուն­նե­րին, ո­րոնք կա­րող են ա­ռա­ջա­նալ բիզ­նես մո­դել­նե­րում, կազ­մա­կերպ­չա­կան տա­րա­տե­սակ կա­ռուց­վածք­նե­րում և­ այլ գոր­ծըն­թաց­նե­րում։ Պե­տա­կան կա­ռա­վար­ման հա­մա­կար­գում թվայ­նա­ցու­մը գնա­լով ա­վե­լի մեծ թափ է հա­վա­քում։ Հոդ­վա­ծում ներ­կա­յաց­վում են պե­տա­կան կա­ռա­վար­ման հա­մա­կար­գում թվա­յին փո­խա­կեր­պում­նե­րի հիմ­նա­կան ա­ռանձ­նա­հատ­կութ­յուն­նե­րը, բա­ղադ­րիչ­նե­րը, քա­ղա­քա­ցի­նե­րի և բիզ­նե­սի հետ պե­տութ­յան փո­խառն­չութ­յուն­նե­րի հիմ­նա­կան թվա­յին մո­դել­նե­րը։ Քն­նարկ­վել են ՀՀ պե­տա­կան հա­մա­կար­գում թվա­յին փո­խա­կեր­պում­նե­րի է­վոլ­յու­ցիան, զար­գաց­ման ա­ռանձ­նա­հատ­կութ­յուն­նե­րը, հիմ­նա­կան թվա­յին հար­թակ­ներն ու դրանց ըն­ձե­ռած հնա­րա­վո­րութ­յուն­նե­րը։ Ա­ռանձ­նա­կի ու­շադ­րութ­յուն է նվիր­վել թվայ­նաց­ման գոր­ծըն­թա­ցի ռազ­մա­վա­րա­կան կա­ռա­վար­մա­նը, հա­յե­ցա­կար­գա­յին մո­տե­ցում­նե­րին։ Վեր­լուծ­վել է ՀՀ դիր­քը Մ­տա­վոր սե­փա­կա­նութ­յան հա­մաշ­խար­հա­յին կազ­մա­կեր­պութ­յան Գ­լո­բալ նո­րա­րա­րութ­յան հա­մաթ­վի, դրա են­թա­բա­ղադ­րիչ­նե­րի, ինչ­պես նաև ՄԱԿ-ի Է­լեկտ­րո­նա­յին կա­ռա­վար­ման զար­գաց­ման հա­մաթ­վի և դ­րա են­թա­բա­ղադ­րիչ­նե­րի հա­մա­տեքս­տում։ Վեր են հան­վել թվայ­նաց­ման ո­լոր­տում ՀՀ գլխա­վոր հիմ­նախն­դիր­նե­րը։ Մաս­նա­վո­րա­պես քննարկ­վել են թվա­յին գրա­գի­տութ­յան, թվա­յին հար­թակ­նե­րի վե­րա­բեր­յալ հա­սա­րա­կութ­յան ի­րա­զեկ­վա­ծութ­յան ցածր մա­կար­դա­կի, թվա­յին գոր­ծիք­նե­րի նկատ­մամբ հա­սա­րա­կութ­յան վստա­հութ­յան աս­տի­ճա­նի, կի­բե­րանվ­տան­գութ­յա­նը վե­րա­բե­րող խնդիր­նե­րը, ընդգծ­վել է պե­տա­կան թվա­յին հար­թակ­նե­րի կա­ռուց­ման միաս­նա­կան սկզբունք­նե­րի և չա­փա­նիշ­նե­րի, ինչ­պես նաև պե­տա­կան թվա­յին հար­թակ­նե­րի միջև կա­պե­րի բա­ցա­կա­յութ­յու­նը։