Խորհրդարանական կառավարման սահմանադրական կառուցակարգերը. ՀՀ-ի և ԳԴՀ-ի օրինակը
DOI:
https://doi.org/10.46991/BYSU:D/2021.12.1.042Keywords:
խորհրդարան, մանդատների բաշխում, խորհրդարանական կառավարում, սահմանադրական փոփոխություններ, համամասնական ընտրական մոդել, քվեարկություն, արդյունավետ կառավարում, օրենսդիր իշխանությունAbstract
Պետական կառավարման արդյունավետ ձևի ընտրության հարցը ժողովրդավարական զարգացման ուղին որդեգրած ցանկացած պետության առջև ծառացող կարևորագույն հիմնախնդիրներից է։ Դրա բազմակողմանի ուսումնասիրությունը՝ մասնավորապես խորհրդարանական կառավարման մոդելները, խորհրդարանների ձևավորման կառուցակարգերը, խառը, համամասնական և մեծամասնական ընտրակարգերը մեծ ուշադրության են արժանի, որոնք հիմք են հանդիսանում առավել թափանցիկ և արդյունավետ կառավարման համար։ Այս համատեքստում, չափազանց կարևոր է առաջատար երկրների՝ հատկապես ԳԴՀ-ի օրինակը, որը զարգացման կայուն հիմք է ստեղծել երկրի առաջընթացի համար։ ԳԴՀ – ի հաջողված փորձը կարող է օգտակար լինել նոր խորհրդարանական կառավարման մշակույթ որդեգրած ՀՀ-ի համար, որն էլ կարող է նպաստել ՀՀ-ում խորհրդարանի դերի զարգացմանը և կատարելագործմանը։