«Փափուկ ուժի» չինական հայեցակարգի էությունը
DOI:
https://doi.org/10.46991/BYSU:D/2021.12.1.073Keywords:
փափուկ ուժ, մշակույթ, մշակույթի փափուկ ուժ, արժեքներ, քաղաքական նորմեր, քաղաքական մշակույթ, հոգևոր-բարոյական դաստիարակությունAbstract
Մշակույթը ժամանակակից Չինաստանի փափուկ ուժի հիմնական բաղադրիչն է: 2000-ականների կեսերին Չինաստանի ղեկավարությունը հայտարարեց մշակույթի «փափուկ ուժի» ներուժի ամրապնդման կուրսը, որը կարող է դառնալ ոչ միայն օտար լսարանի կողմից երկրի նկատմամբ դրական վերաբերմունք ձևավորելու գործիք, այլև չինացիներին համախմբման միջոց: Սա պետք է օգնի ամրապնդելու Չինաստանի «փափուկ ուժը» և նրա դիրքերը միջազգային ասպարեզում: Չինացի հետազոտողների շրջանում առաջացել են չինական «փափուկ ուժի» երկու դպրոցներ՝ «մշակութային» և «քաղաքական»: Չնայած այս երկու մոտեցումների միջև եղած տարաձայնություններին, Չինաստանում քաղաքական և մտավոր վերնախավը ցանկանում է համատեղել քաղաքականությունն ու մշակույթը «փափուկ ուժ» հասկացության մեջ՝ երկրի ներսում «փափուկ ուժը» կերպափոխելով տնտեսական, քաղաքական և մշակութային իշխանության: Առկա այն մոտեցումը, որի համաձայն՝ քաղաքականությունն ու մշակույթը լրացնում են միմյանց և կազմում չինական «փափուկ ուժի» ընդհանուր ուժը, որտեղ մշակույթը ներքին հիմքն է, իսկ քաղաքականությունը՝ մշակութային բովանդակությունը հեռարձակելու գործիք:
